ഇന്ന് കാര്‍ഗില്‍ വിജയ ദിനം
ധീരദേശാഭിമാനികള്‍ക്ക് ആദരാഞ്ജലികള്‍
"പ്രണയ ദിനവും ,ജന്മദിനങ്ങളും , സൗഹൃദ ദിനവും ഒക്കെ നമ്മള്‍ വളരെ വിപുലമായി ആഘോഷിക്കാറുണ്ട് .
സോഷ്യല്‍ നെറ്റ് വോര്‍ക്കുകളില് ആസംസകളുടെ പ്രവാഹം തന്നെ നാം കാണാറുണ്ട്
. എന്നാല്‍ എല്ലാവരും ആഘോഷിക്കാന്‍ മറന്നു പോകുന്ന ഒരു ദിനം ഉണ്ട് .
JULY 26 നമ്മുടെ ധീര ജവാന്മാര്‍ സ്വന്തം ജീവന്‍ നല്‍കി കാര്‍ഗിലില്‍
നിന്നും പാകിസ്താന്റെ പട്ടാളത്തെ തുരത്തി വിജയ കോടി നാട്ടിയ ദിനം . അന്ന്
ഭാരത മാതാവിന് വേണ്ടി വീര ചരമം പ്രാപിച്ച ആ ധീര ദേശാഭിമാനികള്‍ക്കു
ആദരാജഞലികള്‍ അര്‍പ്പിച്ചു കൊണ്ട് നമുക്കും ആഘോഷിക്കാം ഈ ദിവസം.
............. വന്ദേ മാതരം ............
തിരുവനന്തപുരം:
ടീച്ചേഴ്സ് എലിജിബിലിറ്റി ടെസ്റ്റിന്‍െറ (ടെറ്റ്) അടിസ്ഥാന യോഗ്യതകള്‍
മാറ്റിയപ്പോള്‍ അപേക്ഷകരുടെ എണ്ണം കുത്തനെ വര്‍ധിച്ചു. മൂന്ന് വിഭാഗത്തിലും
ഒരേ അപേക്ഷകര്‍ ധാരാളമെത്തി. ഇതിനെത്തുടര്‍ന്ന് പരീക്ഷ മൂന്ന് ദിവസമായി
നടത്താന്‍ പരീക്ഷാഭവന്‍ തീരുമാനിച്ചു. അപേക്ഷാ സമയം ആഗസ്റ്റ ് രണ്ട് വരെ
നീട്ടിയിട്ടുണ്ട്.ആഗസ്റ്റ് 25ന് രാവിലെയും ഉച്ചക്കും വൈകുന്നേരവുമായി
എല്‍.പി, യു.പി, ഹൈസ്കൂള്‍ വിഭാഗങ്ങളുടെ പരീക്ഷ നടത്താനായിരുന്നു നേരത്തേ
വിജ്ഞാപനമിറക്കിയിരുന്നത്. ഇത് മാറ്റാനാണ് പുതിയ തീരുമാനം. പകരം ആഗസ്റ്റ്
25ന് എല്‍.പി വിഭാഗം പരീക്ഷ നടക്കും. യു.പി വിഭാഗം ടെറ്റ് ആഗസ്റ്റ് 27നാകും
നടക്കുക. സെപ്റ്റംബര്‍ ഒന്നിന് ഹൈസ്കൂള്‍ വിഭാഗത്തിന്‍െറ പരീക്ഷയും
നടക്കും. ഒരേ ഉദ്യോഗാര്‍ഥികള്‍ ഒന്നിലധികം വിഭാഗങ്ങളിലേക്ക്
അപേക്ഷിക്കുകയും ഇത്തരം അപേക്ഷകരുടെ എണ്ണം വര്‍ധിക്കുകയും
ചെയ്തതിനെത്തുടര്‍ന്നാണ് ഈ തീരുമാനം.നേരത്തേ ഏതെങ്കിലും ഒരു
വിഭാഗത്തിലേക്ക് അപേക്ഷിച്ചവര്‍ പുതിയ യോഗ്യത പ്രകാരം മറ്റ് വിഭാഗത്തിന്
അര്‍ഹരാണെങ്കില്‍ വീണ്ടും അപേക്ഷ നല്‍കണം. ഇവര്‍ പുതിയ ചെലാന്‍ അടച്ച്
അപേക്ഷിക്കണമെന്ന് പരീക്ഷാ ഭവന്‍ അറിയിച്ചു. ഇങ്ങനെ
അപേക്ഷിക്കുമ്പോഴുണ്ടാകുന്ന സാങ്കേതിക പ്രശ്നങ്ങള്‍ കൂടി പരിഹരിക്കാനായാണ്
പരീക്ഷ മൂന്ന് ദിവസമാക്കുന്നത്.
